Popular Bible Verses from Daniel 3

Share

Unre Sedrok, Mesak ar Abed-nego tako do rajko metadea, “E maharaj Nebukadnesar, niạ babotre am roṛ ruạṛam reakʼ jãhãn jạruṛge bale bujhạueda. Ale okoe Isorle sewawae kan uniye khoj khan tobe do ona jolokʼkan bhaṭa khon acʼakʼ titeye bańcaolea. Menkhan E maharaj, ar uni bae onkaere hõ ale do amren debota do bale sewawaea se amem benao akade sonaren murhutʼ hõ bale ḍobokʼaea.”

Uniye menkeda, “Enḍekhan iń do pon hoṛ seṅgelre dãṛãbaṛae kaniń ńeletʼkoa. Onko do raṛage menakʼkoa ar jãhãnakʼge baṅ hạ̃n akantakoa, ar ponicʼ hoṛ do ńelokʼte debota lekae ńelokʼkana.”

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”