Popular Bible Verses from मत्ती 18

Share

हीजैडेनाङ कुला नीस की सोम जना ङौ म्‍यार्मीनाङ भेला छान्‍ने, होला ङा होखुरीकुङ मीघ्‍याङ छान्‍ने।”

फेरि ङा नाखुरीककी डेले, पृथ्‍वीयाङ नाखुरीक मध्‍याङ नीस जनै कुसेर कुराङ खाटार हीर कुरा ङेहा डेनाङ, स्‍वर्गाङ लेच ङौ परमेश्‍वर बोये नाखुरीकुङ लागि होसे याल्‍हे।

येशूये काट मार्जा जजाकी खेरेप आर्घार होखुरीकुङ मीघ्‍याङ टोङ्‌खी लैडीया। र डेया, “साँच्‍ची न ङा नाखुरीककी डेले, लहो मीमन परिवर्तन जाटार नाखुरीक मार्जा जजाको लेखा न माछाना डेनाङ सेन र स्‍वर्गौ राज्‍याङ पर्की माह्‍योक्‍ले।

तर सुये इसे मार्जा बालक लेखा न लाहाकी नम्र खास्‍ले, होसे न स्‍वर्गौ राज्‍याङ पट्‍ट डेनाङ बाड्‍को छान्‍ने।

सुये ङौ म्‍यार्मीनाङ काट मार्जा बालककी ग्रहण जाट्‍ले, होचे ङाकीर ग्रहण जाट्‍ले।

“ङा साँच्‍ची न नाखुरीककी डेले, नाखुरीकै पृथ्‍वीयाङ ही छ्‍याक्‍ले, होसे स्‍वर्गाङ र छ्‍याक्‍ले। अनि नाखुरीकै पृथ्‍वीयाङ ही पीसाक्‍ले, होसे स्‍वर्गाङ र पीसाक्‍ले।

होटै न्‍हुइङ येशूये चेलाकोलाक डेया, “नाखुरीकै लहो हृदय लकीङ पट्‍टकी क्षमा माह्‍या डेनाङ स्‍वर्गाङ लेच ङौ परमेश्‍वर बोये र नाखुरीककी होङ्‌च न जाट्‍ले।”

“इडीक सुयेर ङा मीटाक विश्‍वास जाट्‍च इसे मार्जा बालकको मध्‍याङ काट जनाकी र पाप जाट्‍की लैडीले डेनाङ, बरु होच्‍यो मीघाटीयाङ बाड्‍को झाँटा च्‍योलोकार लुप्‍च समुद्राङ लोम्‍हकाकी न सेम्‍ह छान्‍ने।

“नाखुरीककी कुङ्‌च सेले? काट जना भर्मीयो काट सय वटा भेडा लेया, होसे मध्‍याङ काट भेडा लाम ल्‍हीटार म्‍हाटा डेनाङ, होचे उनान्‍सय वटा भेडाकोलाक चह्रनाङ न डासार होसे लाम ल्‍हीटार म्‍हाट्‍च भेडाकी पाकी मानुङ्‌ले र?