Popular Bible Verses from রোমীয় 8

Share

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

মুই এ কধাগান্ গমেদালে কোই পারং, মরণ্ বা জিংকানি, স্বর্গদূত্ বা শদানর্ দূত, ইক্কিনে বা ভবিচ্চদর্ কনঅ কিজু বা অন্য কনঅ বাবোত্যে খেমতা, বা আগাজ উগুরে বা পিত্‌থিমী তলেদি কনঅ কিজু, এন্‌ কি, গোদা সৃট্টিগুনো ভিদিরে কনঅ পৌইদ্যেনে গোজেনর্ কোচ্‌পানাত্তুন্ আমারে দূরোত্ সোরেই দি ন-পারিবো। গোজেনর্ এই কোচ্‌পানা আমা প্রভু যীশু খ্রীষ্ট ভিদিরে আঘে।

ইয়েন্ বাদে আমার বল্-নেইয়্যে অবস্থায় পবিত্র আত্মাগানে আমারে বল্ দে। কি কোইনে তবনা গরানা উচিত্ সিয়েন আমি হবর্ ন-পেই, মাত্তর্ যিয়েন ভাষাদি ফগদাং গুরি ন-পারে সেবাবোত্যে কোজোলী সমারে পবিত্র আত্মাগানে নিজেই আমার্ ওইনে কোজোলী গরে।

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

পাপ-খাচ্চ্যদে যিয়েনি চায় সিয়েনি আয়োজি অনার্ ফল অলঅ মরণ্, আর পবিত্র আত্মা যিয়েনি চায় সিয়েনি আয়োজি অনার্ ফল অলঅ জিংকানি আর শান্তি।

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

মুই কোই পারং, আমি যে মহিমাগান্ যেরেদি পেবং সিয়েন তুলনায় আমা এ জিংকানিত্ দুঘ্ পানাগান্ কিচ্চু নয়।

সেনত্তে এমন্‌ কি আঘে যিয়েনে খ্রীষ্টর্ কোচ্‌পানাত্তুন্ আমারে দূরোত্ সোরেই দিবো? যন্ত্রণা? মনত্ দুঘ্? অত্যেচার্? পেত্‌ পুরোনা? কাবড়-চুগোড়োর্ অভাব? দযা? মরণ?

যিবে মান্‌জ্যর্ মনানি তোগেই চায় তে পবিত্র আত্মার্ মনঅ কধায়ো কোই পারে, কিয়া পবিত্র আত্মাগানে গোজেনর্ আওজ্ মজিম গোজেন মানুচ্চুনোত্তে কোজোলী গরে।

কিয়া যিগুনে গোজেনর্ আত্মার্ পরিচালনায় চলন্ সিগুনে গোজেনর্ পুয়ো।

যিগুনে পাপ-খাচ্চ্যদর্ তলে তারার্ মনানি পাপ-খাচ্চ্যদে যিয়েনি চায় সিয়েনি আয়োজি; আর যিগুনে পবিত্র আত্মার্ তলে তারার্ মনানি পবিত্র আত্মাগানে যিয়েনি চায় সিয়েনি আয়োজি।

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

পবিত্র আত্মাগানেয়ো নিজে আমা মনত্ এই সাক্ষিগান দেত্তে যে, আমি গোজেনর্ পুয়ো। যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

গোজেনর্ পুয়োগুনে কক্কে সেই মহিমায় ফগদাং পেবাক্ সিয়েনত্তে বেক্ প্রাণিগুনে আওজ্ গুরিনে বাজ্জেই আঘন্

আমি কোই পারিই, গোদা সৃট্টিগান্ যেন এক্কান জদবদে পো-ফুদোইদ্যে ধোক্ক্যেন সুলোনিয়ে ইক্কিনেও ওমা-হদা গরের্।