Popular Bible Verses from রোমীয় 6

Share

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

তুমি দঅ পাপর্ চাগর্ নয়, কিয়া তুমি গোজেনর্ দোয়্যের্ তলে, রীদি-সুদোমর্ তলে নয়।

আর সেনত্তে সেই বাপ্তিস্মর্ মাধ্যমে খ্রীষ্ট সমারে মুরিনেই আমার্ গোর্-অ ওইয়্যে, যেন বাবা গোজেনে তার্ খেমতালোই যেবাবোত্যেগুরি খ্রীষ্টরে মরণত্তুন্ জেদা গোজ্জ্যে সেবাবোত্যেগুরি আমিয়ো যেন নুয়ো জিংকানির্ পধেদি আঢি পারিই।

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে

ঠিগ্ সেবাবোত্যেগুরি এ কধাগান উগুরে নির্ভর গরঅ যে, খ্রীষ্ট যীশু সমারে মিজেয়ো বিলি পাপর্ দাবী-দাওয়া ইধু তুমি মোজ্জ্য, আর ইক্কিনে গোজেনত্তে তুমিয়ো বাঁজি আঘঅ।

সালে কি আমি ইয়েন্ কবং, গোজেনর্ দোয়্যেগান যেন বাড়ে সেনত্তে আমি পাপ্ গরানাত্ থেবং? খামাক্কায় নয়। পাপর্ দাবী দাওয়া ইধু দঅ আমি মোজ্জ্যেই; সালে কেধোক্ক্যেন গুরি আমি আর পাপর্ পধেদি চলিবং?

তুমি কি কোই ন-পারঅ যে, চাগর ধোক্ক্যেন্ যেক্কে তুমি কারঅ আঢত্ নিজোরে তুলি দুয়ো আর তার্ উগুমানি পালেই থাগঅ সেক্কে তুমি আজলে তার্ চাগর্ ওই যঅ? সেবাবোত্যেগুরি অয় তুমি পাপর্ চাগর্ ওই মুরিবে, নয় গোজেনর্ চাগর্ ওইনে গম্ কাম গুরিবা।

মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো। পাপ আঢত্তুন্ ছড়ান্ পেইনে তুমি ন্যায়র্ চাগর্ ওইয়ো।