Popular Bible Verses from রোমীয় 1

Share

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

গোজেনর্ সত্যগানরে ফেলেইনে তারা মিজেগানরে মানি লোইয়োন। গোজেনরে বাদ দিইনে তার্ বানেয়্যে জিনিজোর্ পূজো গোজ্যন, মাত্তর্ বেক্ বাঈনী পানা জিংকানিবর্ সেই গোজেনর্। আমেন।

মান্‌জ্যে গোজেনর্ সত্যগানরে অন্যেয়লোই চাবি থান্, আর সেনত্তে তা উগুরে ভক্তির অভাব আর বেক্‌ অন্যেয় কামানিত্যে স্বর্গত্তুন্ মান্‌জ্য উগুরে গোজেনর্ রাগ্‌কান্ ফগদাং ওই থায়।

মানুচ্‌ ইয়েনি গোজ্জ্যন্ বিলিনে গোজেনে লাজত্ পড়েদে কামনার্ আঢত্ তারারে ইরি দিয়্যে। মিলেগুনেয়ো মরদ সমারে তারার্ স্বাভাবিক বেবহারর্ বদলে অন্য মিলেগুনো সমারে অস্বাভাবিক্ গুরিনে বজং কাম্ গোজ্জ্যন্। মরদ্‌তুনেয়ো ঠিগ্ সেবাবোত্যে গুরিনে মিলেগুনো সমারে তারার্ স্বাভাবিক বেবহার বাদ্ দিইনে মরত্তুনো সমারে কামনায় জ্বলি উত্ত্যন্; মরদ মরদঅ সমারে লাজ্ গরেপারা বজং কাম্ গোজ্জ্যন্। সেনত্তে তারা পত্তিজনে সিয়েনির অন্যেয় কামর্ পাওনা সাজা নিজেই পেইয়োন। এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন। উমর জিংকানিবর্, মহিমাবলা গোজেনর্ উবোসনা ছাড়িনে তারা খানক্কোন্যে মানুচ্, পেগ্, য়েমান আর বুগেদি-আঢি বেড়েইয়্যেগুনোরে মূত্তি পূজো গত্তন্।