1
যিশাইয় 42:6-7
Chakma Bible
CBT
মুই লগেপ্রভু তরে গমেডালে ডাক্যং; মুই তঅ আঢ্তান ধুরি রাগেম। মুই তরে রোক্ষ্যে গুরিম আর মঅ মানুচ্চুনোত্তে তরে এক্কান বেবস্থা ধোক্ক্যেন গুরিম আর অন্য জাদ্তুনোত্তে পহ্র ধোক্ক্যেন গুরিম। তুই কান্ মানুচ্চুনো চোগ্কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।
Compare
Explore যিশাইয় 42:6-7
2
যিশাইয় 42:8
“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।
Explore যিশাইয় 42:8
3
যিশাইয় 42:1
লগেপ্রভু কোইয়্যেদে, “চাহ্, মঅ চাগর্বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্তুনো ইদু ন্যায়বিচের্ আনিবো।
Explore যিশাইয় 42:1
4
যিশাইয় 42:3-4
তে বুদি যেইয়্যে নলুন্ ন-ভাঙিবো আর মরা মরা গুরি জ্বলেদে বাবোত্যে ফিতেগানি ন-মারেব। তে গমেডালে ন্যায়বিচের্ গুরিবো। পিত্থিমীত ন্যায়বিচের থিদেবর্ ন-অনা সং তে বল্পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”
Explore যিশাইয় 42:3-4
5
যিশাইয় 42:16
মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।
Explore যিশাইয় 42:16
6
যিশাইয় 42:9
চাহ্, পুরোণি ঘটনাগানি ঘুদি যেইয়্যে আর ইক্কিনে মুই নুয়ো ঘটনাগানির্ কধা ফগদাং গুরিম; সিয়েনি ঘুদিবার আগেদি তমাইদু সিয়েনি জানাঙর্।”
Explore যিশাইয় 42:9
