Popular Bible Verses from যিশাইয় 17

Share

দামেস্ক পৌইদ্যেনে আগাম্ কধা ইয়েনি: লগেপ্রভু কোইয়্যেদে, “চঅ, দামেস্কগান্ আর শঅর ইজেবে ন-থেবঅ, সিয়েন অবদে এক্কান ভস্ত ওইয়্যে কুর্।

ইফ্রয়িমত্ আর কনঅ ঘর ন-থেবঅ আর দামেস্কত্ রাজখেমতা ন-থেবঅ; অরামর বাঁজি থেইয়্যে মানুচ্চুনে ইস্রায়েলীয়গুনো ধোক্ক্যেন বাঈনী ন গোজ্যে অবাক্।” ইয়েন অলঅ বেগত্তুন্ খেমতাবলা লগেপ্রভুর কধা।

“সেদিন্যে যাকোবর্ বাঈনী গরানা কুমি যেবঅ; তা কিয়্যের্ তেলানি গুলি যেবঅ।

অরোয়েরর আদামানি মানুচ্চুনে ফেলেই যেবাক্; য়েমান পালে সিয়েনি গজক্ গুরিবাক্। তারা সিয়েনিত্ পড়ি থেবাক্; কনজনে তারারে দর্ বুগ্ ন-লাগেবাক্।