Popular Bible Verses from ইব্রীয় 1

Share

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ভালোক্ দিন আগে ভাববাদীগুনোরে দিইনে গোজেনে আমা পূরোণি মানুচ্চুনো ইধু নানান্ ধগে ভালোক্ বার এক্কেনা এক্কেনা গুরি কধা কোইয়্যে। মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

গোজেনে আরঅ কোইয়্যেদে, “প্রভু, তুই বোউত্ দিন আগে পিত্‌থিমীর গড়াগান গাড়েয়োচ্, দাঙর্ আগাজ্‌‌চান তঅ আঢে বানেয়োচ্। সিয়েনি ভস্ত ওই যেবঅ, মাত্তর্ তুই উমরত্যে থেবে। কাবড় ধোক্ক্যেন সিয়েনি পূরোণ ওই যেবঅ।