Popular Bible Verses from যিহিষ্কেল 37

Share

সেক্কে তে মরে সেই আড়ুনো ইধু এই আগাম্ কধানি কবাত্তে কলঅ, “ও শুগুনো বেক্ আড়ুন, তুমি লগেপ্রভুর কধানি শুনো। প্রভু লগেপ্রভু কত্তে, ‘মুই তমা ভিদিরে নিজেস্ ভোরেই দিম্ আর তুমি জেদা অবা।

মুই তমা আড়ুনো লগে আড়্ বানি দিম, তমা উগুরে য়েরা বাড়েই দিম আর চামাড়ালোই সিয়েনি নাঢি দিম। মুই তমা ভিদিরে নিজেস্ দিম আর তুমি জেদা অবা। সেক্কে তুমি হবর্ পেবা যে, মুয়ই লগেপ্রভু।’”

তে মরে পুযোর্ গুরিলো, “ও মান্‌জ্যর পুয়োগুন, এ আড়ুন্ কি জেদা ওই উদি পারন্?‌‌‌” মুই কলুং, “ও প্রভু লগেপ্রভু, তুয়ই বানা সিয়েন হবর্ পাজ্।”

লগেপ্রভুর আঢ্‌‌‌তানি মঅ উগুরে এলঅ আর তে তার্ আত্মালোই মরে নেযেইনে এক্কো কলগর্ সংমোধ্যে রাগেল; জাগায়ান আড়্‌‌‌গোড়ালোই ভরা এলঅ। তে সিগুনোর্ চেরোকিত্তেদি মরে নেযেল। মুই সেই কলগ ভিদিরে বোউত্ আড়্‌‌‌গোড়া দেগিলুং; সিগুন এলাক্ অমকদ শুগুনো।

মরে যেবাবোত্যেগুরি উগুম্ দিয়্যে ওইয়্যে মুই সেবাবোত্যেগুরি আগাম্ কধা কলুং। আগাম্ কধা কবার্ অক্তত্ খট্‌খট্‌ রঅ উয়া ধুরিলো আর আড়ুন্ পত্তিবো নিজো নিজো আড় লগে এগত্তর্ অলাক্। মুই দেগিলুং আড় লগে আড়র্ জড়া অলঅ, সে উগুরে য়েরা অলঅ আর চামাড়ালোই সিয়েনি নাঢা গেলঅ, মাত্তর্ সিয়েনি ভিদিরে নিজেস্ ন-এলঅ।