Popular Bible Verses from Ghlɔɔmö a ‑nʋa 5

Share

‑Maa Kliisɩ ɔbhlɩ, ‑mä ‑a'a 'nyinylolii 'mö, ‑a ‑wʋ a ‑bhlɛ ‑mä, 'n ɔ yiɛ ‑aa 'wlumö 'ku. Sɛɛ Lagɔ ‑wanyɩɛ tenyii, sa'a ‑sɩbhä ɔ tulanɩnyɩɛ ‑sɩbhä 'ylimö.

Dlɩ'wʋtɛɛnɔɔ 'nɩ nʋ ‑zɩ nɩkpɛ ylʋ. Ɛ'ɛ ‑bhö nyɩasɛ, ‑maa 'Wugɔmʋʋ 'Wlɩlɩ Lagɔ zʋʋnyɩɛ ‑gömöö, mɔɔ zʋä ‑mä ‑aa dilaa zɛmö Lagɔ 'a ‑wawʋʋ.

‑A yi 'zwɩ 'kädɛ a'bhë zi ‑kë, 'mäna lɩbhanyɩ 'yize. Ɛ'ɛ ‑bhö nyɩasɛ, ‑maa zwɩ 'la mɛɛ 'kää 'nglɩ ‑kä, ‑aa dila 'kä nyɔnʋ ‑mä dlɩ'wʋkänɔɔ 'mö. ‑Mä dlɩ a nyɔlanylʋ 'mö, ‑mä Lagɔ a dlɩ'wʋkänɔ 'yɩnoo 'ylɩmö. Sɛ ‑a kää Lagɔ dlɩ 'wʋ ‑kä 'ylɩmö yoo, dlɩ'wʋtɛɛnɔ ‑a ghlɩɛ.

‑Sɩbhä a za n gbää nɩɩ, Lagɔ, sɛ ‑a 'tɛɛnɔɔ dlɩ a za, ɔ ‑kanyɩ 'mözlɔnɩwa 'wʋ 'zʋa 'wë. ‑Alowli Zezwii Kliisɩ a za, ‑a ‑nyɔɔ 'sɔ, ‑a yɛ wamanɩ. Kliisɩ mɔɔ kää 'nglɩ 'n Lagɔ yiɛ ‑a'a dlɩ'wʋkänɔɔ a za ‑aa ngäzɩdlɩ 'pä, 'n ‑aa dilaa ‑nyɔlʋä ‑mä ngäzɩdlɩ 'la 'mö. ‑Yɩ kää 'nglɩ 'n 'mäna lɩbhanyɩɛ miɛ nɩɩ, ‑aa dilaa 'tɛɛ 'wʋ nɩɩ, 'ylɩ ‑bhlʋ 'mö, ‑a yi Lagɔ 'a 'ghïlinɔɔ 'ylɩmö.

Sɛ'ɛ n gbää nɩɩ, dɛ ‑aaa 'zʋsɛ ‑kä, Lagɔ, 'n 'ɔ 'tɛnyɩ a ‑tɛnyɩɩ yiɛ ghlɛ, 'n Kliisɩ yiɛ ‑abhʋa 'nyinyolinʋwaa a 'wlumö 'ku.

Zezwii Kliisɩ, 'ɔ sɛ ɔ 'kuä da'a 'n 'ɔ dluu yiɛ ‑aa 'wlumö kwlii, ‑sɩbhä ma‑a kää 'nglɩ a‑a yiɛ 'mö zlɔmanɩ Lagɔ a 'yila 'klʋ a dɔ'wʋ. ‑Sɩbhä a za, ‑a ‑yi sɛ nɩɩ, sɛ yɩ 'nɩa'a 'mö ‑wʋ ‑kë, Lagɔ 'a ‑zijle 'kädaa, Zezwii a za, ‑a yea ngli 'pʋ.

Nɩkpɛ ‑bhlʋ ‑kpöö, 'ɔ 'klʋkpamösɛsʋʋ, mʋʋ kää 'nglɩ 'n nɩkpa 'wuë zʋä 'nyinylolinʋwa. Sɛ ‑bhʋlʋ ‑kpɔ 'la, ‑sɩbhä nɩkpɛ ‑bhlʋ a 'klʋkpamözʋzwɛ, ɛ kä'ɛ 'nglɩ 'n nɩkpa 'wuë zlɔmanɩɛ 'mö Lagɔ a 'yila 'klʋ.

‑Abhʋaa ‑nyɛ Lagɔ wamanɩɛ sa'a ‑Alowli Zezwii Kliisɩ a za‑a, Zezwii mɔɔ kä'ɛɛ 'nglɩ n ‑a tɛkpɔnɩɛ Lagɔ 'mö, wamanɔ 'la a za.