Popular Bible Verses from Ghlɔɔmö a ‑nʋa 11

Share

Lagɔ, 'pɩwʋ a ‑lii 'wuë, ‑mä ɔ kä'mö ‑mä yɩ 'bhöönɩɛ, mɔɔ nwiiɛ, yɩ 'wuë, ɔ liɛ. ‑Alowli Lagɔ, 'ɔ nglɩɩ nɩ 'ghlimanɩ 'kwädlɩkwädlɩnɩ 'yize. ‑Amɛɛ!

‑Tiamö! Lagɔ 'a wʋlʋnɔɔ mu, 'ɔ 'nɛɛnɔɔ ‑nyɛ 'ɔ ‑lii a ‑yiyee 'sɔ, yɩ'ɩɛ ‑sɩbhä a sɛ ‑wʋ. 'Ɔ ‑zijlitutwee ‑nyɛ 'ɔ sɛ ɔ zʋä 'n 'saa ɔ 'yɩbhää 'wlʋnɩɛ 'yli 'sɔ, yɩ'ɩɛ 'mönʋsɛ ‑wʋ.

Sɛ'ɛ yɩ cɛlɩɛ ‑mä Lagɔbɔgʋʋ 'mö nɩɩ: ‑Alowli Lagɔ 'a dlɩpäsaa, ‑ɔ bhɛnɩ bhä ɔ 'kä ‑sɩbhä 'mö 'nʋ 'nɩ? ‑Ɔ bhɛnɩ bhä, ɔ 'kɔ 'dɩ 'mö zʋ 'nɩ?

Sɛ ‑bhʋlʋ ‑kpɔ 'la ‑sɩbhä ‑a'a 'tɛnyɩ ‑mɛ nɩ 'mö a dɔ'wʋ, ɔ ‑sɛmö'ɛ ‑mä ɔ ‑nʋa jijo'wʋ 'ɔ ngäzɩdlɩ a 'yize a za nɩkpayɛya. N ‑kä nɩɩ 'ɔ ngäzɩdlɩɩ a za‑a nʋʋ, miɛ nɩɩ, ɛ'ɛ ‑bhö 'wa nʋnʋlii a za. 'N ɛ ‑kä a ‑sɩbhää, Lagɔ 'a ngäzɩdlɩɩ 'naa 'kä a ‑tiamö a ngäzɩdlɩ glɩnɩ.

Glʋglʋsuu wa laa olivie ‑wʋnyɩɩ kïla ‑mimii wa ‑dɩ'ɛ 'wʋʋ, 'mö n pälɩɛ Zwiiföwaa 'wʋ. Abhʋa Zezwii a ‑nʋa, abhʋaa 'nɩɛ abhlɩ Zwiiföwa glɩnɩɩ, 'kwlɛsu a kïla a glɩnɩɛ. Abhʋa Lagɔ 'libhïä 'wʋ 'n ɔ yeanyɩɛ ‑lɛ glʋglʋsu 'la 'yli glɛ, 'n a yiɛ ngëyii Lagɔ ‑sɛɛ ‑lɛ 'mö a ‑nʋä 'zʋ. Zaa, glʋglʋsu 'la, nyuu 'wʋ kpïlaa sɛɛ ‑mä gluu, 'mö a 'pʋnɩmöä 'mö. Zaa, sukïlaa wa ‑dɩɛ 'wʋ a za, a nɩ tɩ tɛkpɔ. 'N a ‑kä tɛkpɔɔ, a nɩ yɩbhlɩnɩ sɛ nɩɩ, Abhʋaa 'nɩɛ suu a kpïlaa ‑su, ‑maa mɩɩ ‑soanyɩɛ.