Popular Bible Verses from Ghlɔɔmö a ‑nʋa 1

Share

'Mänatɩtɩ 'la, n 'kɩ bia a dɔ'wʋ, yɩ ‑nɩɩɛ zʋ 'wʋ ‑bhö. Ɛ'ɛ ‑bhö nyɩasɛ, ‑maa Lagɔ a 'mötɛɛnɔ yɩ glɩnɩɛ. Nɩkpaa a kii 'wuë ‑wa 'tɛɛniɛ dlɩ, yɩ yuë puë, 'tɛɛnɩ Zwiiföwaa 'wʋ 'wë, ‑n 'kä ‑waaa Zwiiföwa glɩnɩ 'wʋ ghlɛ.

Sɛɛ nɩkpɛ 'kää 'mö zlɔmanɩ Lagɔ a 'yila 'klʋ a dɔ'wʋʋ, ‑sɩbhä 'Mänatɩtɩɩ kälɩɛ 'klʋ. Sɛɛ yɩ nʋä nɩɩ, Lagɔ a dlɩtɛɛnɩtɛnɛ, tɛɛnɩ ‑mä ɛ tɛɛnɩdɛ 'wʋ ‑këë ‑n 'kä ‑mä ɛ gbë 'wʋ ghlɛ, ɛ 'yize cuu, mɛɛ kää 'nglɩ 'n nɩkpɛ zlɔmanɩɛ 'mö Lagɔ a 'yila 'klʋ a dɔ'wʋ. ‑Sɩbhä yɩ cɛlɩɛ 'kɩ ‑mä Lagɔbɔgwɩɩ 'mö nɩɩ: ‑Ɔ 'tɛɛnɩɛ Lagɔ dlɩɩ, mɔɔ zlɔnɩɛ 'mö Lagɔ a 'yila 'klʋ dɔ'wʋ, zaa mɔɔ 'kää ‑bhölɩ.

Lagɔ 'a 'mötɛɛnɔɔ ‑wʋʋä 'bhlenɩdɛ ‑kä ‑nyɛ ɔ'bhë a 'saa ɔ glɩnɩɛ 'sɔ, nɩkpɛ 'niɛ 'wʋ yɩlɩ. ‑Maa sɛɛ 'pɩwʋ 'maa 'kä a tɛɛ a ‑lii ɔ ‑bhɛɛ 'mö, ‑mä nɩkpa 'kɩ a‑a yɩbhlɩnɩ. Zaa, nɩkpɛ 'nɩɛ zugwë ‑kä.

Wa 'wuë wa ‑yi sɛ nɩɩ Lagɔ, ɔ ‑bhölɩ. ‑Maa sɛɛ nɩkpɛ kä a‑a 'lɩlɩlɩ a dɔ'wʋ ɔ 'kä Lagɔ 'a nglɩɩ 'ghlimanɩɩ, wa'a 'zʋ ‑sɩbhä, wa'a bhälɔɔ 'ɔ ‑li a ‑li a za. ‑Maa ‑lii ‑yɩɩɛ dɛ sɛ ‑kä 'lɩlɩlɩɩ, 'mö 'wa cɛlɩɩ ‑gänɩɛ, wa'aa 'yɩbhä Lagɔ 'kä 'wa dlɩpäsɛzokwëa 'wʋ ngäla zaa, 'n wa yiɛ ‑lizoku a 'yize a nʋnʋwa 'zʋ.

Sɛ'ɛ n gbää nɩɩ, Lagɔ 'a ‑tiamö a wɛlɩɩ 'mö wa zigbanɩɛ yiodɩ 'mö. Miɛ nɩɩ ‑lii Lagɔ ‑bhɛ a‑a, 'mö wa bʋbɔɔ, ‑maa ‑lii 'wuë a 'wälanyɔ Lagɔ a'bhë wa kä a‑a wa 'kä bʋbɔɔ, wa 'nɔɔ bʋbɔ. Lagɔ 'a nglɩɩ, yɩ nɩ 'ghlimanɩ 'kwädlɩkwädlɩnɩ. ‑Amɛɛ!

‑Mä ghäyɩ 'wʋ, ‑mä Lagɔ 'a klɛɛ 'bhöönɩɛ 'n ɛ bhlinɩɛ nɩkpa 'wuë ‑gömö. Sɛ wa 'nɔɔ bʋbɔ 'lɩlɩlɩ 'n wa nʋä ‑lizoku a kii 'wuë a za. ‑Mä 'wa nʋnʋlizoku 'la 'mö, gbëaa, 'mö wa gwaa 'klʋ.

Sɛ'ɛ n gbää nɩɩ, 'wa sa'a a za, Lagɔ kʋä 'yi 'tatinɩ, ‑lizokuu 'wa dilaa 'pänuëë 'wʋ ‑yɩ ‑bhöä zʋ 'wʋʋ, wa 'kɩ nʋ. Miɛ nɩɩ ngwlɩɩ, nyɩbhɛlɩ a 'tʋ 'nuëa'a 'lɩbhä, ‑maa wa 'bhɩangwlɩɩ a tʋʋ lɩbhʋää, 'mö wa ‑nyɛɛ pöä sɛ. Sɛ ‑bhʋlʋ ‑kpɔ 'la, ‑sɩbhä nyɩbhɛlɩɩ 'zʋmö'ɛɛ. 'Ngwlɩ a 'tʋ 'nuëa'a 'lɩbhä, ‑maa wa 'bhɩanyɩbhɛlɩ a'bhï, wa tʋʋ lɩbhʋää tenyii, 'mö wa ‑nyɛɛ pöä sɛ. ‑Lizoku ‑yɩ ‑bhöä zʋ 'wʋ, wanyɩgäsɛ sa'a wa nwiɛ wanyɩ 'wlu. Sa'a wa panɩɛ Lagɔ ‑gömö 'n wa yiɛ tʋʋ. ‑Sɩbhä a za, Lagɔ yuë 'wa 'nyinylolii a 'pɛna 'nyɛ. Sɛɛ wa'a 'yɩbhä wa 'kä Lagɔ yɩbhlɩnɩ a za, Lagɔ kʋä 'yi 'tatinɩ, 'wa ‑ɔɔ'nɛɛnɔɔ 'kʋä ‑gömö 'kämanɩ, ‑lii ‑yɩɩɛ nʋnʋsɛ ‑wʋ, wa 'kɩ nʋ.

Sɛ wa libhïä wanyɩ 'nɛɛnɩwa 'mö 'wʋ a za, wa yɛ ‑ɔɔ'nɛɛnɩwa 'zʋ. 'Lɩlɩlɩ a dɔ'wʋ, Lagɔ ‑ɔ 'ghïliɛ, ‑ɔɔ bhɩɛ 'ylii, 'mö wa 'kä a‑a wa 'kä bʋbɔ, ‑maa wa'aa ‑sɩbhä 'zʋ. Nɩkpɛ ‑ɔ bhɩɛɛ 'ylii, ɔ sɛ a ‑li wa bhɛnɩɛ kä'möö, zɩ, nɩma ‑yɩ kää bhɩ ‑mʋänaa, ɛ yi mi oo, ɛ yi gbisogbisonɩɩ mi oo, 'mö wa bʋbɔɔ.