Popular Bible Verses from Ha Banaroma 8

Share

Mbe tukumanya okwo byona bikugasira abakwenda Mungu, abo yasozire babe batakatifu.

Kuba nkumanya kimokimo okw’olufu, nali obulame, nali Bamalaika, nali Abanangoma, nali Ab’amani, nali ebya hati, nali ebiliza, nali obusiniriza, nali eby’oluguru, nali eby’ifwo, nali ekihangwa kindi chona, bitalihicha kututaganisya n’obwenzi bwa Mungu, obuli muli Kristu Yezu Omukama wetu.

Mbe nikwo hatyo Omwoyo gukuzuna obunoge bwetu: kuba titukumanya echo tuli no kusaba Mungu mu sala zetu; nawe Omwoyo gwonene gukutusabira n’obugenezi obutagambwa.

Tugambe ki kandi? Mungu akatwemaho, akuturwana ni ga?

Mbe hatyo tibalisingwa abali muli Yezu Kristu, abatatungwa kinangingo

Mbe obwetegereza bw’engingo ni lufu; nawe obwetegereza bw’omwoyo ni buzima n’omulebo.

Nawe ebyo byona tukubisinga, kubera ayatwenzire.

Kuba nkuchwa nti: Obusasi bwa hati tibukuhicha kulenganisibwa n’ikuzo elilibonekera mul’itwe mu naku z’obusyo.

Mbe ni kiha si ekilitutaganisya n’obwenzi bwa Kristu? Si hamo obusasi? hamo obunale? hamo enzala? hamo obuzuka? hawo ebitegezi? hamo obunaranaza? hamo embanda?

Kandi akwetegereza emitima, niwe akumanya eby’Omwoyo gukwegonga, kuba akusabira abatakatifu ebyo Mungu akwenda.

Kuba bona abakuhaburwa Omwoyo gwa Mungu ni bana ba Mungu.

Kuba abakutungwa kinangingo bakunulirwa eby’engingo; nawe abakutungwa kinamwoyo bakunulirwa eby’omwoyo.

Wenene k’atasasire Omwana we wa kimo, nawe yamuhereze kubera itwe twena, akwanga ata kutuha byona nage?

Omwoyo gwonene gukumanyisya omwoyo gwetu okwo tuli bana ba Mungu. Mbe raba tuli bana, hona tuli bahunguzi: bahunguzi ba Mungu, tukobere obuhunguzi na Kristu, tukaba nitusaswa nage, niho tuhiche kukuzibwa hamo nage.

Kuba obwetegereza bw’engingo buhatene na Mungu, obwo butahulira ebilagiro bya Mungu, kai butakuhicha kubihulira.

Nicho ebihangwa byona bikulindiririra obuboneki bw’abana ba Mungu.

Kuba tukumanya okwo buli kihangwa chona kikugenera kuti henda kikurumw’obusungu, kuhika hati