Popular Bible Verses from Ha Banaroma 1

Share

Kuba ine tinkukorerw’ensoni Evanjeli: kuba niyo eli mani ga Mungu, agakuchungura abakwikiriza bona, kutandikira ha Bayahudi, kandi n’Abagereki.

Kuba ekusurura obuhikire bwa Mungu, obukuruga mu kwikiriza nibumalizibwa muli kwonene, nk’okwo chandikirwe kiti: Omuzima akutungwa kwikiriza.

Kuba ebitakubonwa muli wenene bikabonekera kurug’obuhangi bw’ensi mu bumanyi bw’ebihangwa; nikwo n’obuhicha bwe bw’era lyona na bumungu bwe: mbe hatyo tibali na nsonga

obwo, bamanyire Mungu, bakabura kumuha ikuzo limuhikire, nibabura kumusima; nawe nibatumatuma mu bitekateko byabo, kai omutima gwabo nigusara nigwizura omwirima.

kuba bakahindura obukomereza bwa Mungu kuba bubehi, nibahabudu nibakolera ekihangwa ha mwanya gw’Omuhangi, akukuzibwa mu myaka n’emyaka. Amina.

Hatyo ebiniga bya Mungu bikuruga mw’igulu nibigwera obutekiriza n’obutahikire bw’abantu abakuyangira obumanyi bwa Mungu mu butahikire

Nicho Mungu yabasindikirire mu bwoyi bw’ensoni; kuba abakazi babo bakaleka kukola ebyo batura nibakola, bakole ebitakorwa. Nikwo batyo n’abaseza, bakaleka kukola n’omukazi nk’ebilagirwe, nibaligirana abene bonka, nibakola eby’ensoni, abaseza n’abaseza, nibahabwa batyo muli bonene omuhero oguhikire obuhabi bwabo. Mbe obwo babuzire kwoleka okwo bamanyire Mungu, Mungu nabasindika mu ntungwa z’obuyaga, nibakola ebitengene

Nibegira betegereza, kunu basiruhere; nibahindura ikuzo lya Mungu atahinduka, kikaba kisusano ch’omuntu muhinduki, n’ech’enoni, n’ebintu by’amaguru ana, n’ech’enzoka.