Popular Bible Verses from Romans 10

Share

That gin ye confess wiʼ yere mouʼ that Jesus is Lord, and hae faith iʼ yere heart that God raised him frae amang the deid, ye sal be saved.

For in the heart ane has faith for richtousness, and the confession oʼ aneʼs mouʼ to salvation.

And sae faith comes oot oʼ what is heard; and hearin comes by the word that is anent Christ.

For sae says the Scriptur, “Nane that trust in him sal be putten to shame.” For thar is nae differ atween Jews and Greeks; for the same Lord oʼ aʼ is bountifuʼ to aʼ that cry to him. For ilka ane — aʼ and every — wha may caʼ on the name oʼ the Lord sal be saved!

And hoo sal they publish, gin they warna sent oot? Eʼen as it is putten doon, “Hoo bonnie are the feet oʼ thae bringin us a Joyfu‐message o gude things!”

Hoo than soud they caʼ on ane on wham they haena lippened? And hoo sal they lippen ane they haena heard‐tell oʼ? And hoo wull they hear, gin‐na some ane publishes?

For Christ is what the Law ettles at, iʼ the way oʼ richtousness, to ilka ane wha has faith.