Popular Bible Verses from Revelation 19

Share

“Lat us rejoice, exultin, and gie laud to him; for the bridal oʼ the Lamb has come, and his bride has made hersel ready.

And he has, on his mantle and on his thigh, a name placed: “King oʼ the kingly, and Lord oʼ the lordly!”

And I saw the Heevens unsteekit, and lo! a white horse: and he that sat onʼt was caʼd “Leal and True”; and in holiness judges he, and gangs to war.

And his eʼen lowin fire; and on his heid mony croons; and has a name written whilk nae ane kens but his ain sel; And he war cleedit in a mantle drookit wiʼ blude, and his name is caʼd, “The Word oʼ God.”

And oot oʼ his mooth gangs a shairp twa‐moothʼt sword, that sae he may smite the nations; and he wull shepherd them wiʼ a sceptre oʼ airn, while he tramps the press oʼ the wine oʼ the wrath oʼ God the Almichty.

And the beast was taen, and wiʼ him the fause‐prophet, he that did the ferlies afore him, by whilk he beguiled thae that took the brand oʼ the beast, and thae giean worship to his image; and the twa war cuisten, leevin, intil the loch oʼ fire, lowin wiʼ brunstane.