Popular Bible Verses from Revelation 16

Share

“Behauld I come, as comes a thief! happy he wha is on gaird, and keeping his cleedin, least he gang bare, and they see his shame.”

And the saxth Angel teemed oot his flagon on the great river Euphrates, and its watir was lickit‐up, that the comin oʼ the kings frae the sun‐risin may be made ready.

For they are demonsʼ spirits, workin ferlies; whilk come forth to the kings oʼ the haill yirth, to gaither them togither to the battle oʼ the great Day oʼ God Almichty.

And I saw three unclean spirits, as puddocks, come oot oʼ the mooth oʼ the Dragon, and oot oʼ the mooth oʼ the beast, and oot oʼ the mooth oʼ the fause‐prophet.

And they war birslʼt wiʼ an unco birslin; and men miscaʼt the name oʼ God, wha had pooer ower thir plagues; and they repentit‐na, to gie him glorie.

And the first gaed awa, and teemed oot his flagon on the yirth; and thar cam a waesome and sair blain on the men who had the brand oʼ the beast, and on thae giean worship to his image.

And they gaitherʼt thegither intil a place that is caʼd iʼ the Hebrew, “Mountain oʼ Megiddo.”