Popular Bible Verses from Philippians 2

Share

Doin naething for strifeʼs sake, nor for prideʼs sake; but in humbleness oʼ mind, lookin aye on ane‐anither as bein better nor yersels. No lookin on yere ain things allenarlie, but ilk ane at anitherʼs things.

That whilk ye in Christ Jesus prefer, that prefer ye in yersels

Wha bein originally iʼ the form oʼ God, thocht it no a thing to seize on, to be coontit aiqual wiʼ God; But humblʼt his sel, takin a servantʼs form, and comin in manʼs likeness; and, bein fund in condition as a man, He made his sel lowly, becomin obedient eʼen till the deid; aye, death on a cross.

For God it is wha is workin in ye, baith the ettlin and the inward doin conform to his gude pleasur.

Whaur‐for God upliftit him far on heigh, and gied him a name whilk is aboon ilka name; That iʼ the name oʼ Jesus, ilka knee soud lout, oʼ thae in heeven, and thae on the yirth, and aneath the yirth, And ilka tongue soud own that Jesus Christ is Lord, to the glorie oʼ God the Faither.

And do aʼ things free frae yammerin, and argle‐barglin, That ye may become fautless and innocent bairns oʼ God, wyteless amang a thrawart and perverse generation; amang wham schaw yersels as lichts iʼ the warld

Sae, than, beloved, eʼen as ye hae aye obeyʼt, no in my presence alane, but noo muckle mair whan I am awa, work ye oot yere ain salvation wiʼ fear an trimʼlin.