Popular Bible Verses from Galatians 5

Share

But the frute oʼ the Spirit is love, happiness, peace, lang‐tholin, canniness, gudeness, lealness, Meekness, self‐guidin; again sic things as thir thar is nae law!

On the ither haun, I say, Walk ye iʼ the Spirit, and the wull oʼ the flesh ye sanna fulfil.

Gin we leeve by the Spirit, by the Spirit lat us eʼen be airtit.

But they wha are oʼ Christ Jesus, hae crucifyʼt the flesh, wiʼ its desires and hankerins.

But plain to be seen are the warks oʼ the flesh; whilk are adultery, lechery, wantonness, Idolatry, divination, hatred, faʼin‐oot, jealousy, wrath, factions, pairties, Envyins, bludeshed, druckenness, revellins, and siclike things; as to whilk I tell ye plainly, eʼen as I hae tellʼt ye afore, that they wha practeese sic things as thir sanna inherit Godʼs kingdom.

For ye war caʼd in freedom, brethren: but turn‐na yere freedom intil an indulgence to the flesh, but raither by yere love serʼ ye ane anither.

For the flesh has desires contrar to the Spirit, and the Spirit contrar to the flesh: for thir again ane anither are set; that ye may‐na do the things ye wad itherwise do!

For the hail Law is bund up in ae word, this: “Ye sal loʼe yere neebor as yersel!”

Lat us no be seekin for vain glorie; challengin ane anither, envyin ane anither.

Wiʼ freedom Christ maks us free: staun ye steive than, and be‐na hauden fast wiʼ ony yoke oʼ bondage!