Popular Bible Verses from 2 Corinthians 1

Share

Blest be the God and Faither oʼ oor Lord Jesus Christ, the Bestower oʼ aʼ mercies, and the God oʼ aʼ comfort, Wha comfortit us in aʼ oor troubles, that we may eʼen be able to comfort thae wha are in trouble, by the comfort we oorsels are comfortit, in God.

For eʼen as the sufferans‐oʼ‐Christ are unco mony wiʼ us, sae throwe Christ oor comfort is unco great.

But we cairry the sentence oʼ death in oorsels, that we soudna hae confidence in oorsels, but in God wha raises the deid.

But he wha maks us siccar (alang wiʼ you) for Christ, and wha anointit us, is God. Wha eke sealʼt us for his sel, and gied the first‐frutes oʼ the Spirit in oor hearts.

But, gin we be in trouble, it is the mair for yere consolation and salvation, whilk is workin to yere tholin the same as we are eʼen noo tholin; and oor hope is siccar on yere behauf. Or, gin ye be comfortit, it is aʼ for yere consolation and salvation.