Popular Bible Verses from 1 John 2

Share

Love‐ye‐na the world, nor yet the things iʼ the world; gin ony ane is lovinʼ the warld, the love oʼ the Faither isna in him. For aʼ that is iʼ the warld, the desires oʼ the flesh and the craikin oʼ the een, and the pride oʼ folkʼs lives, isna oʼ the Faither, but is oʼ the warld.

And the warld wears awa, and the desires oʼ the same; but wha dis the wull oʼ God bides for aye.

He that says “he bides in him,” soud, eʼen as he walkit, sae walk his sel.

My dear bairns, thir things I write tʼye, that ye soudna sin; and gin aiblins ony ane sins, we hae an Advocat wiʼ the Faither, Jesus Christ the Gude!

He that says, “I hae gotten to ken him,” and keeps‐na his commauns, is a leear; and the truth isna in sic a ane.

And in siclike we ken that we hae come to ken him, gin we keep his commauns.

He that says “He is iʼ the licht,” and hates his brither, is in the mirk eʼen till noo.

Wha is a leear, gin it be‐na he that denies that Jesus is the Anointit? This is the antichrist, he wha denies the Faither and the Son.

Ilka ane wha denies the Son hasna the Faither: he that owns the Son has the Faither as weel.