Popular Bible Verses from 1 Corinthians 11

Share

And in like mainner the cup too, eftir the takinʼ oʼ supper, sayin, “This cup is the New Covenant in my blude: this div ye, eʼen as aft as ye may drink oʼt, for the remembrance oʼ me.” For, sae aften as ye may be eatin this laif, and drinkin this cup, ye are setting forth the death oʼ the Lord, till whatna time he may come.

For I had frae the Lord what I eʼen tellʼt to you, that the Lord Jesus, that nicht in whilk he was betrayʼt, took a laif; And giean thanks, brak it, and said, “This is my body that is gien for you; this do, in memory oʼ me.”

But lat a man pit his sel to the test; and in sic mainner lat him eat oʼ the laif, and drink oʼ the cup. For he that is eatin and drinkin, is eatin and drinkin condemnation to himsel, gin he be‐na consecratin the body.

Sae, whasoeʼer may be eatin the laif, or drinkin the cup oʼ the Lord, in an unwordie way, sal be hauden for the body and the bluid oʼ the Lord.

Be ye like me, eʼen as I follow Christ.