Popular Bible Verses from Apostolo 4

Share

No harhalon i tahuat sena mon tana kanong taia mah um ta tikai tano ula hanua bakut bia Kalou i tar ia ta dahat bia ia nong na halon dahat.”

Io, bia diet ga sasaring taar, no hala diet ga kis hulungai taar tana ga gunagunai. Ma diet bakut diet ga hung ma no Halhaliana Tanua ma diet ga hasahesa ma ira nianga ta Kalou ma ra balamasa.

Ma kaiken, Watong, hadadei um ira nudiet kaba harmang ma u na tar ra dadas ta mehet ira num tultulai waing mehet na tale wara hinhinawas ma ira num nianga ma ra balamasa.

Iakan ra Iesu, ia nong ira nianga gar ta Kalou di ga pakat i tangtangai utana hoken: ‘Ia no Haat nong muat ira tena gil hala muat ga sura sei ia, ma ia balik um no dadas na burena tano hala bakut.’

Ing diet ga nas bia Pita ma Ioanes pa dir ga ianga ma ra bunurut ma ing diet ga nunurei lah bia pa dir ga haan ra hausur ma bia a tunatuna bia mon dir, diet ga karup ma diet ga nas kilam bia dir git saksakatei Iesu.

Io, diet bakut ira tena nurnur, ga tikai sena mon ira nudiet lilik ma ira nudiet sinisip. Ma taia tikai ta diet ga tangai bia ira nuna tabarikik a nuna sena at. Senbia diet ga hartabar hargilaas ma ira nudiet linga bakut.