Popular Bible Verses from Wlɔmʋ‑dunyʋä 2

‑N 'wɛɛ ‑n ‑liesɩ 'nɩ ‑n ‑kʋmʋ lä wamä 'bhisäkʋ nä, kä n bhobho nynä ‑mä Laagɔɔ' 'titee yi‑i wlɩ 'sɛpɩ ‑a? ‑Aaa nä, ‑mɔɔ, sä Laagɔ ‑kʋ lä nä, kä ‑nn 'mänyɩ ‑wʋ lä sɔɔ nä? Laagɔ nä kʋ nää‑ kpänyɩ plɛkʋ, 'nɩ ʋ ‑yi plɛkʋ 'tɛmä sä, 'nɩ ʋ ‑yi ‑bɛɛsä. 'Nɩ ʋʋ' plɛkʋmɛnɔɔ 'mnö ‑n 'gä lä ghlää ‑yä ‑naa zëkpëa 'kä 'cɩcɩ nä, ‑lɔɔ' 'klüü ‑n 'nɩɩ bhä ‑yi ‑a?

‑Mɔɔ mɔɔ‑ 'wɛɛ lä ‑n ‑lie nä, sä ‑n yi kʋmɔ ‑kʋmɔ ‑kaaa nä, ‑nn ‑wʋ ciesä ‑kä. ‑Mɔɔ ‑mä 'sɩɩ wa yii 'wɛɛ. ‑Ɔnöza bhää? Wälɩɩ ‑ɩnözä ‑n 'wɛɛ lä ‑n ‑liesɩ nä, ‑mɔɔ ‑mä 'sɩɩ ‑n nʋmʋɩ.

Nä kɩ plöö‑ lä nynä ‑mä Laagɔɔ' gbäzö ‑wʋ nyɩkpa 'mʋ.

A ni 'yi naa, ɩɩ' ‑wʋ plöö‑ nynä ‑mä nyɩkpaa 'fɩɩn‑ poo lä ‑Jlämaa 'nyukwli nä, kwa gëë‑ 'yi Laagɔ dëlü. ‑Mä nyɩkpaa' ‑lʋa ŋʋwa lä 'klʋkpää nä, wamä ‑Jlämaa 'kä lä gbʋʋ' ‑sä.

Nä sä nyɩkpɔ nää lä ‑mää 'ylʋzɔɔ nä, ‑lɔɔ' ylʋʋyɩ 'kʋ ɔ yi ɩɩ' dluu' plʋʋlɩ 'ni.

‑Mä nyɩkpaa' ‑lʋa cɩcɩɔ lä Laagɔ 'yii nä, 'nɩ ‑waa 'ŋʋ ‑wʋ lä ‑nʋawlɛɛ 'klʋkpää nä, 'nɩ ‑wa taa lä wa yëku 'yi 'nɩ gbenyenyii 'tie lä nä, plɛkʋ yi Laagɔ si 'nɩ ʋ yiwa ʋʋ' gbʋgblɛɛ 'kʋ fään.

‑Mɔɔ nä, kä ‑n 'tɛ lä 'nyukwli kpänyɩ, 'nɩ ‑nn ylä ‑wʋ lä nynä ‑mä ‑n 'gä 'cɩcɩ. Nä ‑naa nʋnʋsa 'mnö Laagɔɔ' ‑gbʋgblɛ 'mɛ ‑n vʋglʋmä lä. Ɩ yi gbä 'nɩ ylʋʋ yi ‑lɔɔ kʋ 'nɩ Laagɔ yi‑i 'tite 'ŋʋ. 'Nɩ ‑lɔɔ' 'titee ‑ŋwa ‑lɔɔ 'kʋ.