Popular Bible Verses from Nʋnʋgbɩɩ 11

Share

Ɔ ‑mʋ 'nɩ ɔ nii‑ lä Sɔlʋ nä, kɔ ‑lɔɔ Atɩɔsöduu'. Wa ‑sä ‑lɔɔ' 'cɔcɩɛ 'mnö 'ylʋbä. Nyɩkpaa ‑bhutukpä 'wlää bhä ‑mɔɔ 'wlu, 'nɩ Banabasö ‑yä Sɔlʋ 'sɔ cɩwa bhä. Zozii' 'kʋgënyʋa nä, ‑mɔɔ Atɩɔsöduu', ‑mɔɔ nyɩkpa lanʋwa‑ lä tɛɛtɛɛdä Kletɩɛ‑ŋnöö.

‑Mä Banabasö ‑mʋ lä 'nɩ ɔ nii‑ lä sä Laagɔ paa‑ lä ‑mɔɔ' 'kʋgënyʋa 'nyuu nä, kɩ ‑plɔɔ ‑pʋpɛɛ'. Ɩ ‑kä 'ŋnö nä, ɔ ŋʋwa‑ dɩgälɩɩ' nynä wa 'sänyɩ 'sää 'titi ‑yä wa ‑yä Kwlienyɔ 'sɔ 'jɛnyɩ 'kɔɔkɔ. Banabasö nä, ɔ ‑glö bhä plɛkʋ nanɩnyɔ. Laagɔɔ' Kplɔɔkplɔɔ‑wugɔɔ ‑kʋɔ bhä kpänyɩ yëku, 'nɩ ɔ ‑kä bhä Laagɔɔ' pɔlötɛtɛ kpänyɩ. ‑Mä ‑lɔɔ' 'tänyɩyɩ 'mnö nä, nyɩkpaa ‑bhutukpä 'cɩcɩ‑ 'nɩ wa ‑yii Kwlienyɔɔ' ‑blɔɔ 'kʋ.

A ni 'yi ‑a! ‑A ŋoo‑ lä Kwlienyɔ Zozii' ciciwälɩɩ 'kʋ nä, ɩɩ' sä Laagɔ nyɩ‑anyɩ lä nä, sɔɔ ‑säkä ‑säkä ʋ nyɩwa‑ lä 'sɩɩ. Nä, n plöö‑ bhää ‑amʋ, 'nɩ n ‑yä Laagɔ 'sɔ yi bhä 'kʋ bhlää? ‑Mä Zolizalɛmʋduu' bhelia nuu‑ lä sä Pɩɛlö cii‑ lä nä, kä waa' plɛ ‑bhlü. Wa fään bhɛ Laagɔ 'ŋnu, wlä 'zaazɩ, nyɩkpaa ‑waa ‑wʋ la 'Zufʋnyʋä plöö‑ nä, Laagɔ ‑gbä 'sɩɩ 'nɩ wa 'cɩcɩ‑, 'nɩ wa nii‑ 'pʋpʋɛ.