Popular Bible Verses from SALM 63

Share

Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

A fekmi na dawtnak cu nunnak nakin a ṭha deuh, cucaah cun nangmah cu kan thangṭhat lai.

Ka nun chung paohpaoh cu kan lawmh lai; nangmah leiah ka kut ka hler lai i thla ka cam lai.

Hmunthiang ah cun in hmu ning law zeitluk in dah na lianhngan le na sunpar kha in hngal ning, ti ka duh.

zeicahtiah nangmah cu a kan bawmtu na si zungzal. Na thla tangah lawmhnak in hla ka sa. Nangmah kha kan tlaihchan i na kut nih him tein an ka umter.

Ihkhun cung i ka ih tikah nangmah cu kan thei, zan khuadei nangmah kha kan ruat