Popular Bible Verses from SALM 51

Share

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

Na khamhnak chungin a chuakmi lawmhnak kha ka pe ṭhan law ka lungthin cu nangmah nawl zulh duhmi ah ser ko.

Na umnak hmun khan ka ṭhawl hlah, na thiang thlarau kha ka lakkanh hlah.

Ka raithawinak cu toidornak lungthin hi a si, maw Pathian, toidornak lungthin le nawl ngaimi lungthin hi na hlaw lai lo.

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna. Ka ṭhat lonak cu ka ṭawlpiak hna law ka sualnak cu ka thianhpiak ko hna.

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.