Popular Bible Verses from SALM 40

Share

BAWIPA bawmhnak cu ka hngak lengmang i a donghnak ah ka aunak cu a ngaih i a theih. Ṭih a nungmi khor chung khan a ka chuah. nawncek khor chung khan a ka chuah Him tein lungpi cungah khan a ka ṭhutter i fek tein a ka umter.

Hla thar kha a ka cawnpiak, ka Pathian thangṭhatnak hla kha a ka cawnpiak. Hi thil cu mi tampi nih an hmuh lai i BAWIPA kha an i bochan lai.

BAWIPA kha aa bochan i siasal leiah aa mer lo i pathian taktak a si lomi a biami hna sinah aa fon lomi cu lunglawmmi an si.

Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,” tiah kan leh.

BAWIPA, ka cungah na zaangfahnak a dong lai lo ti kha ka hngalh. Na dawtnak le zumhawktlak na sinak nih him tein an ka umter zungzal lai.