Popular Bible Verses from SALM 30

Share

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek. Cucaah dai tein ka um lai lo; nangmah cu kan thangṭhat ko lai. BAWIPA, nangmah cu ka Pathian na si, a zungzal in kan thangṭhat lai.

BAWIPA, ka Pathian, nangmah sinah bawmhnak hal in ka au i na ka damter.

Nannih a mithiang hna, BAWIPA cu thangṭhat u; A Thiangmi Pathian nih a tuahmi kha philh hlah u law amah kha lawm u.

Maw BAWIPA, nangmah nih na ka khamh i ka ral kha ka cungah diriam in na umter hna lo caah kan thangṭhat.