Popular Bible Verses from JOSHUA 10

Share

Miphun nih khan an ral hna cu phu an hlam hna hlantiang, Ni cu a dir peng i thlapa cu a taang. Mah hihi Jashar cauk ah aa ṭial lo mei? Ni cu van laifang ah khin a taang i ni khat pum tluk cu tlak tim loin a um.

BAWIPA nih Amor mi hna cu Israel mi hna sinah a pek hna ni ah Joshua nih BAWIPA kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.

Cu bantuk ni, BAWIPA nih minung aw a ngaih ni bantuk kha, cu hlanah siseh cu hnuah siseh a um bal lo; zeitintiah BAWIPA nih Israel cu a dohpiak.

Cun BAWIPA nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

Cun Joshua nih annih sinah, “Nan thin phang hlah u, nan lung zong dong hlah u; ṭhawng u law, ralṭha ngaiin um tuah u; zeicahtiah BAWIPA nih nan dohmi hna nan ral vialte cungah kha bang khan a tuah lai,” tiah a ti.