Popular Bible Verses from JOSHUA 1

Share

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah BAWIPA na Pathian cu khuazeika na kalnak hmanh ah na sinah a um ko,” tiah a ti.

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

Nan keza nih a lamh laimi hmun paoh cu, Moses sinah bia ka rak kam bang khan, nanmah kan pek cang hna.

“Ka sal Moses cu a thi cang; cucaah nangmah le hi mi vialte hna hi tho u law, hi Jordan tiva hi tan u law, anmah, Israel mi hna ka pek laimi ram chungah cun lut tuah u.

BAWIPA sal Moses thih hnuah, Moses rianṭuantu Joshua, Nun fapa cu, BAWIPA nih a chawnh i

Ramlak le hi Lebanon tlang in tiva ngan Zufrates tiang, Hit mi hna ram vialte nitlaknak leiah Rili Ngan tiang; nan ram a si lai.

Zei na fial paoh ah na nawlbia kha a ralchanh i na bia kha a almi cu ahohmanh thah a si lai. A ṭhawn bel ṭhawng law, ralṭha ngaiin um ko,” tiah an ti.

“Riahhmun chungah khan i chawk u law, mi zapi kha, ‘Riahcaw i tim tuah u; zeitintiah ni thum chungah, BAWIPA nan Pathian nih co awkah an pekmi hna ram cu va co awkah hi Jordan hi nan tan lai,’ tiah chim hna u,” tiah nawl a pek hna.