Popular Bible Verses from ISAIAH 65

Share

Ka sin i thla an cam tikah an thlacam a dih hlan hmanh in ka leh hna lai.

BAWIPA nih aa thawh i, “Van thar le vawlei thar ka ser hna i hlanlio thil cu a philh in philh an si cang lai.

An ṭuanmi rian ah khan khua awng an pem lai i an fale nih vanchiatnak an tong lai lo. Anmah he an fale he hmailei caan ra ding tiangin thluachuah ka pek hna lai.

Mi nih inn an i sak lai i an umnak hna lai, midang nih an hmankanh hna lai lo. Mitsur dum kha an i ser lai i a mitsur hang kha an din hna lai, midang nih an dinkanh hna lai lo. Thingkung bantukin ka mi cu an chan a sau lai. An ṭuanmi chungin an hmuhmi theitlai kha tlamtling tein an hman hna lai.

Ngakchia kha an no lioah an thi ti lai lo i ahopaoh tar tlung in an nung cio lai. Kum za khat a simi kha mino ah rel an si lai. Cu hlan i thih cu dantatnak hmelchunhnak a si lai.

Cenghngia le tuufa cu an tlong ṭi lai i chiandeih nih caw bantukin capawl an ei lai. Rul cu ṭih an nung ti lai lo i a rawl ah leidip a si lai. Ka tlang thiang Zion Tlang cungah cun i hliamkhuainak le i hrawhnak zeihmanh a um ti lai lo,” a ti.

Jerusalem le a mi hna ruangah keimah zong lawmhnak in ka khat lai. Ṭahnak a um ti lai lo i bawmhnak hal zong a herh ti lai lo.