Popular Bible Verses from ISAIAH 46

Share

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai. Nichuahlei in ra tiah, mipa pakhat ka kawh, mupi nih ar a nam hna bantukin a nam hna lai i kaa tinhmi kha a tlinter lai. Hi bia cu keimah nih ka chim i a tling lai.

Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai.

Hlanpi ah a rak ummi thil kha philh hlah u; keimah lawnglawng Pathian ka si le keimah bantuk a dang pathian ahohmanh an um lo kha hngal peng u.

Jakob tefa hna, ka bia kha ngai tuah u, ka mi chungin a tangmi hnihchun vialte hna, ka ngai tuah u. Nan chuahka in keimah nih kan puak hna i nan nu paw chungin kan cawi hna.