Popular Bible Verses from EFESA 6

Share

Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

Khuachia hlennak kha nan doh khawh nakhnga Pathian nih an pekmi hna ralthuam vialte kha i hruk u.

Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

Zumhnak kha phaw caah i ken zungzal u law cu phaw cun Khuachia nih mei bantuk a simi thal in an kah hna tikah nan rak hmih khawh hna lai. Cun luchin caah khamhnak kha i chinh u law Thlarau nih an pekmi hna vainam caah Pathian bia kha i lak u.

Cucaah timhcia tein dir u: nan taisawm caah biatak kha fek tein i sawmh u; nan ṭangphaw caah dinnak kha i benh u; nan kedan caah daihnak Thawngṭha chim thathawhnak kha i danh u.

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

“Na nu le na pa upat hna,” ti hi nawlbia hmasa bik a si i, “cu ti na tuah ahcun na caah a ṭha lai i ram chungah saupi na nung lai,” tiah chap chih a si.

Ngakchia hna, nan nule nan pa bia ngai hna u, cucu khrihfa rian a si i ahmaanmi thil zong a si caah nan tuah awk a si.