Popular Bible Verses from PHUNGCHIMTU 1

Share

Zeicahtiah fimnak cu a tam deuh paoh ah lungretheihnak tam deuh ngeih a si ve ko, Cun thil tam deuh hngalh paoh ah tam deuh temhinnak hmuh a si ve fawn ko.

A rak si cangmi kha a si ṭhan ko lai, tuah lengmangmi hi tuah lai dingmi cu a si fawn ko lai; vawlei cungah hin zeihmanh a thar a um lo.

Zeizong vialte hi thadi le zaangbang an si dih, holh in chim khawh hmanh an si lo; mi nih hin hmuh hi cim ti a ngei lo i hna nih hin theih hi khim ti a ngei ve lo.

Pakpalawng lawngte, pakpalawng lawngte! Zeizong vialte hi pakpalawng an si ko, tiah Phungchimtu nih a ti. Minung nih hin nilin lak le khuasa lak i a ṭuanmi rian hin zeidah a miak a hmuh?

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

Chan khat cu a liam, a dang chan khat a hung chuak ve, sihmanhsehlaw vawlei cu a sining ṭhiamṭhiam khan a hmun zungzal ko.

Hlanlio thil kha ahohmanh nih an hngal camcin hna lo, cun hmailei ah atu le cu caan karlak i thil a um dingmi zong hi ahohmanh nih an hngal camcin hna lai lo.

Cun fimnak le hruhnak, thil hngalhthiam khawh lonak le hngalh thiam khawhnak an i dannak hi hngalh kaa zuam hrimhrim lai, ka ti. Sihmanhsehlaw cucu ka caah thlitu dawi tluk ceo kha a rak si ko ti cu ka hngalh ṭhan.