Popular Bible Verses from DANIEL 6

Share

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

Ka peng chung dihlak ah mi vialte nih Daniel i a Pathian cu nan ṭih lai i nan upat lai: Zeicahtiah amah cu Pathian nung, zungzal in a hmunmi, A ṭhawnnak a dong lo i a bawi sinak a dong lomi a si — Amah cu khamhtu, chuahtertu, hmelchunhnak le khuaruahharnak van le vawlei cungah a sertu a si, Amah nih Daniel cu chiandeih hna ṭhawnnak chungin a khamh cang,” a ti.

Cucaah siangpahrang nih cun nawlbia a chuah i Daniel cu an ratpi i chiandeih thong ah cun an thlak; sihmanhsehlaw Daniel cu a thawh i, “A rian na ṭuan zungzalmi na Pathian nih khan an khamh ko lai,” tiah a ti.