Popular Bible Verses from 1 SIANGPAHRANG 19

Share

lihnin a dih cun mei a hung chuak, sihmanhsehlaw BAWIPA cu mei chung zongah cun a um lo; cun mei a dih cun aw ṭhia aw dinte a hung chuak.

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw BAWIPA, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun BAWIPA cu a lan i a thlichia a hrang ciammam i tlang cu a cheu i BAWIPA hmaiah cun lung hna cu a khuai cikcek hna, sihmanhsehlaw BAWIPA cu thli chungah cun a um lo; cun thli a hran dih cun li a hnin, sihmanhsehlaw BAWIPA cu lihnin chung zongah cun a um lo

Cun Elijah nih a theih tikah a puan in a hmai kha aa huh i a va chuak i lungkua luhnak ah cun a dir. Cun zohhmanh, aw pakhat kha a sinah a ra i, “Elijah, hika ah hin zeidah na tuah?” tiah a ti.

Cun khika ah lungkua pakhat ah a phan i a riak; cun zohhmanh, BAWIPA bia cu a sinah a ra i amah cu, “Elijah, hika ah hin zeidah na tuah?” tiah a ti.

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

Cun a it i hmunphiah thingkung pakhat tangah aa hngilh; cun zohhmanh, vancungmi nih a tawngh i, “Tho law ei tuah,” tiah a ti.

Cun BAWIPA vancungmi cu a voi hnihnak a ra ṭhan i a tawngh i, “Tho law ei tuah, na khual tlawnnak lam cu na celh sual lai lo,” tiah a ti.

Anih nih, “BAWIPA, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

Cun khua a hun zoh i, zohhmanh, a lu leiah lung lin in rawhmi changreu hlum hlum khat le ti thawl khat a hmuh. Cun a ei a din i a it ṭhan.

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

Sihmanhsehlaw Israel chungah hin Baal hmai i a khuk aa bil lo i a hnamh zong a hnam lomi thong sarih kaa nganh hna lai,” tiah a ti.

Cucaah khika khan a kal i Shafat fapa Elisha kha a hmai i cawtum tuah hleihnih he lei a rak thuan kha a hmuh, amah cu a tuah hleihnihnak sinah cun a rak um. Elijah cu a pawngin a lan i a puan khan a hei cheh.

Cun amah zulhnak cun a kir i cawtum tuah khat cu aa lak i a thah hna i an sa cu caw lei thuannak thing cun a chuan i mi cu a pek hna i an ei. Cun a tho i Elijah kha a zulh i amah cu a rian kha a ṭuanpiak.

Cun a cawtum kha a kaltak hna i Elijah cu a dawi i, “Ka nu le ka pa va hnam ta hna ning law, cun kan zulh lai,” tiah a ti. Cun anih nih a thawh i, “Va kir ṭhan ko ngat, kan thlauh lo zeicahtiah na cungah zeidah ka tuah kha na hngalh,” tiah a ti.