Popular Bible Verses from හිතෝපදේශ 20

Share

“මේ වරදට මම පළිගන්නෙමි” යි නො කියන්න; ස්වාමින්වහන්සේට කාරණය බාරකරන්න, උන්වහන්සේ ඔබ ගලවන සේක.

මිනිසාගේ පියවර මෙහෙය වන්නේ ස්වාමින්වහන්සේ ය; එසේ නම් යමෙක් තමාගේ ම මාර්ගය වටහා ගන්නේ කෙසේ ද?

මනුෂ්‍යයාගේ ආත්මය ස්වාමින්වහන්සේගේ පහන ය; ඔහුගේ ඇතුළාන්තය එයින් සෝදිසි කෙරේ.

මිනිස් හදේ ඇති අරමුණු ගැඹුරේ ජලය වැන්න; අවබෝධය ඇත්තා ඒවා උඩට ඇද ගනී.

කතා පතුරුවන්නා රහස් එළි කොට, විශ්වාසය බිඳියි; එබැවින් වාචාලයින්ගෙන් දුරුව සිටින්න.

ගැටුම්වලින් වැළකී සිටීම කෙනකුට ගෞරවයක් ය; එහෙත් හැම අඥානයෙක් ම, දබරයට ඉක්මන් ය.

දමිටු මිනිසා නිදොස් ජීවිතයක් ගත කරයි; ඔහුගෙන් පසු ඔහුගේ දරුවන් භාග්‍යවත් ය.