Popular Bible Verses from Romete 10

Share

“Jesus in Topa hi ci in na kam taw pualaak a, na thinsung panin, Pathian in ama sia thina pan thosak kik hi ci in na um le ngupna na nga tu hi.

Banghang ziam cile ih thinsung pan ih up ciangin thutang ih suak a, ih kam taw ih pualaak ciangin hong kingum hi.

Tua ahikom upna in a thu zaakna pan piang a, a thu zaakna in, Christ ii thuhilna pan piang ahi hi.

Laithiangtho in, “A kuama theampo ama a umte in a thin a kiam buatu hi,” ci hi. Hi thu in a kuama po huam siat hi. Banghang ziam cile Jew te le Gentile te kilaklaw ah lamdanna a om bua hi. Pathian in mihing theampo ii Topa hi a, ama tungah a ngen theampo atu in a kicing takin thupha pia hi. Laithiangtho ci bangma in Topa tungah huna a ngen theampo kingum tu hi.

Thuhil tute a kipaisak buale a thupha bangbangin kithangsak thei tu ziam? Laithiangtho ci bangma in, “Lungdamna thupha puak a hong paite peang sia bangza in etlawm ziam?”

Ahihang ama a um bua uh le amate in bangbangin huna ngen thei tu ziam? A thupha puak a za bua uh le, amate in bangbangin um thei tu ziam? A thupha a kithangsak buale amate in bangbangin za thei tu ziam?

Banghang ziam cile a umte theampo Pathian mai ah thutang a sua natu in Christ in thukham bosak zo hi.