Popular Bible Verses from Psalm Late 91

Share

ama tungah: “Nangma in kei hong hungpa le hong dalpa na hi hi; Nangma in ka Pathian na hi hi; nang sungah muanna kong nei hi,” ci thei hi.

Ngammuan natu in TOPA kung a pai, akua po ahizong Vaanglianbelpa dalna sungah a om pawpo in

Kei hong biapui ciangin amate ka zo tu hi; ngim a nga ciangin amate taw ka omkhawm tu hi. Amate ka suatak tu a, ka upat tu hi.

Pathian in a vantunglalangte nang hong cing tu, na paina po ah hong dal tu in tavaw tu hi.

Ama in a thakhuite taw nang hong uap tu hi; ama khoina sungah na ngammuang tu hi; Ama thumaanna in nang hong dal tu a, hong hung tu hi.

Nangma in TOPA sia nang hong hungpa in na nei zo a, a Saangbelpa sia nang hong sungsia pa in na nei zo hi, tua ahikom siatna khat pawpo in nang hong vaat ngawl tu a, na inn nai ah ngoltolna hong theng ngawl tu hi.

Ama in a kiseal launa theampo pan le thithei natna theampo panin, nang hong keam tu hi.

Na kungah mihing tulkhat pukin a thi zong, na kiimkot ah tulsawm a thi hialzong nang bangma hong kilaw ngawl tu hi.

Zan in launate le sun in thakhat thu in hong sim theite na kiita buatu hi, ahibuale khuazing sungah hong vaat thei pul natnate ahizong suntangin hong thatlum thei a ngilote ahizong na kiita buatu hi.