Popular Bible Verses from Isaiah 6

Share

Tuaciang TOPA in, “Akua sawl tu khi ziam? Akua in eite kamtai hi tu ziam a ci ka za hi. “Keima pai tu khi hi! Hong sawl ta'n!” ci in keima in ka zo hi.

Amate khat le khat ki oksan in: “Thiangtho, thiangtho, thiangtho! Vaanglianbelpa TOPA sia thiangtho hi! Ama ii minthanna in leitung zel hi,” ci in au uh hi.

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa TOPA sia ka mittang vateak taw ma in ka mu zo hi,” ka ci hi.

Uzziah Kumpipa ii thi kumin, TOPA ka mu hi. Ama sia a kisaangkhai kumpi tokhum tungah to a, a puantual sia Biakinnpi bup dim hi.

Ama in meikam taw ka muk hong bitsak a, “Hisia in na muk hong bi zo hi, tu in na mawna bo siat zo a, na mawna teng kimaisak zo hi,” hong ci hi.

Ama kiimkot ah a ding, meikuang bang ahi Seraphim vantung mite khat simin tha luk tek nei hi. Tha nii taw a mai tek uh, tha nii taw a pumpi tek uh tuam a, a tha dangte nii tek taw leang uh hi.

Tuasia ciang Seraphim vantunglalangte khat sia biaknatau pan taitee taw a laak meikam khat dep a, toai in ka kungah hong leang suk hi.

Tuaciang ama in nangma va pai ta'n a, hi thu mihingte tungah son ta'n ci in hong sawl hi: “Bang zata na ngai uh zong, na tel thei buatu uh hi. Bang zata na en uh zong bang piang cisia na he buatu uh hi”.

Tuaciang ama in keima tungah, “Hi mihingte lungmusakin, a na ngongsak in a, a mittawsak in, tua hile amate khuamu thei ngawl, khua za thei ngawl, tel thei ngawl tu hi. Tuabang hile ka kung hong zuan thei in, a ci ka damsak tu hi,” hong ci hi.