Popular Bible Verses from Isaiah 54

Share

Ahihang ngalhiam khat zongh in nang bangma hong law zo ngawl tu hi; nang hong mawsiatte theampo na zo kik natu na he tu hi. Ka naseamte ka panpui tu a, zawna ka pia tu hi,” ci hi. TOPA in ci zo hi.

Mualliante le mualnote a cimh ta zongin, nang kong itna bo ngeingawl tu hi; thinnop natu kong kamciam sia ka len tawntung tu hi,” hong ci hi. Nang hong it TOPA in tuabangin ci hi.

Lau heak in — na mai hong kimawlsak kik ngawl tu hi; hong kizawngsak ngawl tu hi. A khangmoi zi khat bangin na thumaan ngawlna le, meingong khat bangin, thinkiam a na lunglen mamana te na mangil tu hi.

Nangma hong bitphuapa in na pasal bang hong hi tu a — ama min sia Vaanglianbelpa TOPA ahi hi. Israel te ii a thiangtho Pathian in nang hong ngum tu a — ama in leitung theampo a ukpa ahi hi.

Na teenna puanbuk khan in; a khau sausak in khetphinte khen kip in!

“Keima mama in na mite ka hil tu a, nopsakna le kilemna ka pia tu hi.

Ka thin uuk hu in tawmvei no sung kong nungngat a, ahihang a tawntungin nang kong itna kong lak tu hi,” hong ci hi. Nang hong ngum TOPA in tuabangin ci hi.

“Tawmvei no sung nang kong nusia hi; itna lian taw kong pui kik tu hi.

“Leitung ah tuipi liim kik nawn ngawl tu hi ci in Noah hun lai in kong kamciam hi. Na tungah hong thin uuk kik ngawl tu khi hi ci in tu in kong kamciam hi; nang kong teih buatu a daan kong pia buatu hi.

Na tausaangte suangmanpha san taw, na kongpite mei bang a taang suangmanpha taw, na kulh theampo suang manpha taw ka vawt tu hi.