Popular Bible Verses from Isaiah 30

Share

Lam ziat, ahibuale lam vei ah na pial tha uh le na nungsang pan ama in, “A lampi in hisia hi. Zui in,” hong cina aw na za tu hi.

Tuabang hi napi note hong hesuak tu in TOPA in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. TOPA tungah muanna a nei te in mi lungdamte ahi hi.

Vaanglianpipa TOPA Israel te ii a thiangtho Pathian in mihingte tungah, “Hong heak kik tavun a, keima hong muang hiithiat tavun. Tua hile na tha uh hat tu a, ngammuang tu nu hi,” ci hi. Ahihang nong nial uh hi!

TOPA in haksatna hunte no hong phulsak zo tu a, ahizong ama mama tua munah note hong hil tu in om tu hi, tua ahiciang note in ama na zon uh kul nawn ngawl tu hi.

No Jerusalem ah a teang mihingte kap nawn ngawl tu nu hi. TOPA sia hesuak thei a, ama tungah huna ngenin na kaa uh ciang ama in hong zo tu hi.

TOPA in: “Judah ngamukte a lal ahi hi, banghang ziam cile amate in kei hong langpan uh hi. Amate in kei ngealna ahi ngawlte zui in, kei deina langpanin thuciamnate vawt a, mawna khat zawkciang khat vawt thawthua uh hi.