Popular Bible Verses from Isaiah 11

Share

A mite a uk natu in TOPA ii thaa in ama sia ciimna pilna le heakna pia tu hi. Ama in TOPA deina he in thasiana nei tu a, TOPA thunitna sungah nuamsa tu hi. Ama in a puasang muna le thu ngalzaakna bangin thukhen ngawl tu hi

David kumpi khang kizopna sia a kiphuktan sa thingkung khat taw kibang hi; ahihang thingbul khat pan a baak meang thak a po bangma in, David suan le paalte sung panin kumpi thak khat khangto tu hi.

ama in mizawngte a pha in thukhen a, a cimaw mite ii a nga tuak te panpui tu hi. Ama thupiak bangin mite daan kipia in, mi siate thi tu uh hi.

Ama in a mite thukhaikim le thutak taw uk tu hi.

Pathian ii mual thiangtho Zion tungah liamna baina, a sia a kha bangma om ngawl tu hi. Tuipite sia tui taw a kidim bangma in leitung sia TOPA thu heakna taw kidim tu hi.

Ngiate le tuute kilemin teang khawmin, pawlbeamte sia kealnote taw lumkhawm tek tu hi. khuinote le tawpi note an nekhawm tu uh a, patangnote in amate cing tu uh hi.

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.