Popular Bible Verses from Galatia te 5

Share

Ahihang Thaa in itna, lungdamna, thinnopna, thinsauna, dikna, phatna, thumaanna, kiniam khiakna le eima le eima ki uk zawknate piangsak hi. Hi te a langpan thukham bangma a om bua hi.

Kong son thu in hi sia ahi hi: Thaa in na nuntakna uh zeaksak vun, tua hile mihing pianzia ii deinate na lungkimsak buatu uh hi.

Thaa in nuntakna ei hong pia zo hi; ama in ih nuntakna zongh hong uk nanak tu hi.

Tuaciang Christ Jesus ii neisa ahite in, a mihing pianzia le tua ii uukna le deinate sia thi khawmsak zo hi.

Mihing pianzia ii sepna sia thiang takin kimu hi. Tua sia in nu le pa paktatna, a kiihuai le zummawk ngamtatnate; milim biakna le bum le ai toaina te hi. Mihingte khat le khat kingalin kido uh hi; amate ki eangin, thin uukin, ultup uh hi. Amate a pawl a pawlin kikhen hi; kidungawkna, zukhamna, sikvil loklenna le hite taw a kibang ngamtatna dangte nei uh hi. Kidop natu kong piak ngei bangin tu in kong ci hi: hi bang ngamtatna neite in Pathian Ngam lua ngawl tu hi.

Ka suapuite awng, no sia a suakta tu in hong kisam hi. Ahihang hi suatakna in chi le sa deina ii hong ukna tu a paulap nuam hisak heak vun. Tua taangin ki itna taw khat le khat kihu vun.

Banghang ziam cile ih mihing pianzia ii deite sia Thaa ii deite taw kilangpan hi, tuaciangin Thaa ii deite sia mihing pianzia ii deite taw kilangpan hi. Hite nii in kingal hi, na ngamtat nop uh bangin na ngamta thei bua uh hi a cinopna hi.

Banghang ziam cile Thukham buppi sia thupiak khat in kingawm hi: “Nangma le nangma na ki it bangin na innpaamte na it in.”

Ei sia khat le khat tungah kiphasakin, kitaw in, ih ki eang buatu hi.

Suatakna sia ei neisa hi — Christ in hong suaktasak zo hi! Tua ahikom a suakta mihingte bangin, ding vun a, sila na suak kik nuam heak vun.