Popular Bible Verses from Ephesus te 1

Share

Bang lametna nei tu in note hong sam a, a mite a piak tu a, a kamciam thuphate bangza in nasia, ci in na heak natu in na thinsung uh hong kihonsak a, a khuavak na mu thei natu in kong ngetsak hi, tuaciangin ei, thu umte sungah na hong seam ama ii vaangletna sia bangza in lian ziam, ci in na heak natu kong ngetsak hi. Eite sungah na hong seam, hi a nasia thahatna in, Christ sia thina pan thosak a, vantung ama ii tokhum ziatsang ah a tosak sia ma ahi hi. Christ in tua munah vantung ukpite, thuneite, vaangletna neite, tote theampo ii tung panin uk hi; ama in hi leitung ah ahizong, hong pai pheang tu leitung ah ahizong, thunei min le zate theampo sangin a lianzaw min le za nei hi.

Christ taw kipumkhatna tungtawnin, ama mai ah sit baang ngawl le ih thiantho natu in, Pathian in leitung a vawt ma ngawngawn in eite hong teal zo hi. Hong itna hangin, Pathian in Jesus Christ tungtawnin a tapa a tanute hong suasak natu in a khensat sa hi a — hi thu in ama diksak le tupna ahi hi.

Banghang ziam cile Christ ii chisan hangin eite kisuakta a, tua thu in ih mawna kimaisak hi, cinopna hi. Pathian ii thuthiamna bangza in lian ziam

Ih Topa Jesus Christ ii Pa le Pathian tungah lungdamko tawng! Banghang ziam cile Christ taw kipumkhatna sungah ama in eite sia vantung ngam taw kisai thaa thupha theampo hong pia hi.