Popular Bible Verses from Thuhilsya 9

Share

Na sep pawpo hanciam in seam in, banghang ziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi — tua mun sia na zotna tu mun ahi hi.

Thudang khat zongh ka he lai hi, hi leitung ah tai ngang theampo in zawna nga tawntung ngawl a, ngalhang theampo in ngalzo tawntung ngawl hi. Mihing ciimte in nuntak natu thalaw tawntung zo ngawl a, mihing pilte zongh hau tawntung ngawl hi, hi theina a nei theampo dinmun sang theng tuan ngawl hi. Kaamsiatna sia mihing theampo tungah tung hi.

Pathian hong piak hi leitung ah a mannung ngawl na nuntak hunsung teng na it numei taw a nuamin nungta in. A mannung ngawl nite a nuamin zangh in, banghang ziam cile, tuasia bekma na ngim thaman na saan tu ahi hi.

Pai in, na an ne in a, lungdam in; na sapittui ne in a, maitai in. Pathian in diksa hi.

Ciimna in ngalhiamte sangin a pha seam thei zaw a, ahizong mihing khial khat in na pha tam mama lalsak thei hi.

A kamneam mihing ciim khat ii pauna sia mihing mawmaw honkhat kikhopna sungah a lampuipa auna ngai tu sangin phazaw hi.

Hi hi, a nungtate in a thi tu uh he a, ahizong a thite in bangma he ngawl hi. Amate in min phatna tel bangma nei tuan ngawl a, amate kimangil cip hi.