Popular Bible Verses from Thuhilsya 5

Share

Na pau ma in ngaisun phot in a, Pathian tungah kamciam vawt memeang heak in. Ama sia vantung ah om in, nang sia leitung ah om a, tua ahikom na pau tu za sangin a tamzaw pau heak in.

Pathian in mihing khat hauna le neisa lamhsa pia in tuate tungah a lung a damsak le ama sia lungkim in a sep a vawt tungah nuamsa tu hi. Hisia in Pathian letsong ahi hi.

Sum na it le na lungkim ngeingawl tu a, hau tu na lungngul le na dei theampo na nga ngei buatu hi. Tuasia in a luithawthong ahi hi.

Biakinnpi ah na pai ciang kidawm in. Tua munah pai in thusin tu sia, a maan le a maan ngawl a he ngawl mihing mawmawte ii sangaw biakpiakna sangin phazaw hi.

Tua ahikom Pathian tungah kamciam na piak ciang, manlang takin taangtungsak in. Ama in mihing mawmawte diksa ngawl hi. Na kamciam bangin vawt in.

Kamciam pia a, nasep ngawl sangin kamciam piak awl lete phazaw hi.

Naseam khat sia a neak khom tu zongh nei thei a, nei ngawl thei si hi, ahizong ama sia zanin a mut nuam lel hi. Sumhaupa sia, nei leilam ahikom thinngim a, zanin mutthip thei ngawl hi.

Hi leitung ah pumnguak in ih sua bangma, pumnguak in ih nusia hi. Bangza po ih seam zong ih ken thei bangma om ngawl hi.