Popular Bible Verses from Thuhilsya 2

Share

Pathian a lungdamsak te tungah Pathian in ciimna, heakna, le lungdamna pia hi, ahihang mimawte ii thalaw sate ama a lungkimsakte tungah a piak thei tu in ama in mawneite na seamsak, sum thalawsakin sum kholsak hi. A vekpi a luithawthong ahi hi. Tuasia in vuiva delkot bang ahi hi.

Mihing khat ii a phabel a sep thei sia neak tu dawn tu le a thalaw sa teng taw a lungkim tu ahi hi. Ahizong, hisia ngawngawn Pathian kung pan hong pai hi, cisia ka phawk hi. Tua ngawlin bangbangin neak tu le lungkim natu koisung pan nga thei tu ni ziam?

Tuaciang ka sep sa theampo le haksa tak ka sepnate ka ngaisun a, bangma khiakna a nei ngawl hunlam ka phawk hi. Tuasia in vuiva del taw kibang a, kimanna om vet ngawl hi.

Ka dei pawpo ka nga hi. Nopsakna a min piang, bangma ka kidan bua hi. Ka sep sa theampo tungah ka kisuangtaak a, hite theampo sia ka min phatna tel ahi hi.

Oh, he ing, “Khuavak sia khuazing sangin a phat zawk bangma, ciimna sia mawmawtna sangin phazaw hi.

Mihing ciimte in a pai natu mun mu thei a, a mawmawte in mu thei ngawl hi,”. Ahihang eite theampo atu in mai sangah a kibangin ih thuak tu thu in hong ngak nginge ci sia zongh ka he hi.

Na khat pawpo atu in na ciimna, na heakna le na thiamna theampo taw naseam a, a zawkciang tua na sia a seam ngawl het khat tungah na nusiat lel tu hi. A luithawthong hi a, maan zongh maan ngawl hi.