Popular Bible Verses from Thuhil kikna 5

Share

“ ‘Keima TOPA na Pathian ii kong thupiak bangin na nu le na pa zakta vun, tua hile na ma vang tu a, kong piak natu ngam ah khuangei mama na nungta tu uh hi.

Na laak tu ngam sungah na teen suak thei natu le na nopsak tawntung thei natu in tuate theampo zui tavun.

Milim khat pawpo mai ah kun heak vun, ahibuale bia heak vun, banghang ziam cile keima in TOPA na Pathian ka hi a, hong demte ka dual bua hi. Kei hong ngaimawte le amate ii a suan a paalte tungah khang thum khang li dongin daan ka pia tu hi. Ahizong kei hong it a, ka thukhamte a zuite tungah ka itna khang tul tam mama dongin ka lak hi.

“ ‘Vantung ahizong, leitung ahizong leinuai, tui sungah ahizong a om na khat pawpo taw a kibang milim note atu in vawt heak vun.

“ ‘Keima simngawl pathian dang bia heak vun.

“ ‘Keima min, a sia vawt natu in zangh heak vun, banghang ziam cile keima TOPA na Pathian in ka min a zangh khial pawpo daan ka pia tu hi.

Amate in hi bangin phawk tawntung thong le pha hi! Amate le a suan a paalte, a ma vangin a daupai thei tawntung natu in, keima hong zakta tawntungin ka thupiak theampo hong zui pole pha hi.

“ ‘Keima TOPA na Pathian ii kong thupiak bangin Sabbath tang vun a, thiangthosak vun.

“ ‘Midang khat ii zi lungngul heak vun, a inn, a lo, a silate, a khui, a laa, ahibuale a neisa khat pawpo lungngul heak vun.

“ ‘Palngul mawna vawt heak vun.

“ ‘A maan ngawlin khat pawpo mawsiat heak vun.

“ ‘Mihing that heak vun.

“ ‘Nguta heak vun.

Egypt ah sila na hi na le keima TOPA na Pathian in ka vaangletna le ka thahatna taw kong suatakna thu ciamtee vun. Tua hu in Sabbath tang tu in thu kong pia hi.

Note na na sep natu in ni luk na nei uh a, ahizong ni sali ni sia kei atu in a kikoituam tawlngak ni ahi hi. Tua ni in kuama — nangma, na tate, na silate, na ngannote na ngamsung hong teang ngamdangmite in naseam ngawl tu uh hi. Nangma tawlngak bangin na silate zongh tawlnga nanak tu uh hi.

‘Keima in TOPA na Pathian, na saltanna Egypt pan hong suatakpa ka hi hi.